STAVANGER
: -Eg er veldig glad for at det har lukkast å koma fram til ei brei enighet om eit godt hurtigbåttilbud i Ryfylke framover, seier Randaberg-ordførar og medlem av samferdsselsstyret i fylket, Jarle Bø (sp) til Øyposten.,
Det nye opplegget blei banka i samferdselsutvalet i fylket i dag, med brei politisk støtte. I vedtaket heiter det at "kvaliteten på hurtigbåttilbodet blir oppretthalde", samt at tidlegare varsla rutekutt går ut. Det betyr at dagens tilbud blir oppretthalde fram til ny kontraktsperiode i 2023.
Fylkespolitikarane går for hurtigbåtaksjonen sitt opplegg for hurtigbåttilbudet, alternativ 3, men justert mot innspela frå Suldal og Sauda. Samferdselsutvalet går også for at dagens hurtigbåtar i første omgang skal kunna brukast vidare, men at ny teknologi blir fasa inn i den etterfølgande kontraktsrunden.
Den store nyheten er likevel at det skal jobbast vidare med samspelet mellom buss, båt og ferjer for å "dra nytte av nye fastlandsforbindelser : Det bes om ei sak om utprøving av ekspressbuss Judaberg – Stavanger og Hjelmeland – Stavanger".
-Dette er ei klar bestilling frå oss til Kolumbus , seier Jarle Bø.
-Betyr dette at det blir buss i staden for hurtigbåt frå Finnøy til Stavanger, til dømes?
-Nei, det er ikkje bakgrunnen. Me ynskjer å utnytta betre dei store investeringane som er gjort i Finnfast, Rennfast og Ryfast, og komplettera og gjera tilbudet endå betre. Ei løysing kan til dømes bli matebuss frå Finnøy og Talgje til Rennesøy, og ekspressbussar vidare derifrå til Forus. Det er ikkje alle som skal til kaien i Stavanger, og slik sett kan dette bety ei styrking av kollektivtilbudet for Finnøy. Det same gjeld for Hjelmeland, meiner Jarle Bø.
Medlem av hurtigbåtaksjonen, Tomas Nesheim, seier at han etter å har høyrt på debatten i samferdselsutvalet er fornøyd med det fellesforslaget som er lagt fram.
-Det seier at det ikkje skal skje endringar før 2023, og det legg også til grunn at tilbudet også etter det skal vera uendra, seier Nesheim.
,Tomas Nesheim er sentral i Ryfylkeaksjonen2020.
FOTO: Rune Nedrebø
-Kva med forslaget om buss frå Judaberg?
-Ekspressbuss med matebuss kan bli ei jevngodt tilbud med hurtigbåten. Men bussen kan aldri ivareta behovet for kryssande trafikk i Ryfylke, seier Nesheim, som er skeptisk til viss det skal tas pengar frå hurtigbåten for å finansiera det nye busstilbudet.
Gruppeleiar i Ap si fylkestingsgruppe, Tom Kalsås er glad for at det er brei støtte for alternativ 3.
- Nå sikrar me at båttilbudet blir oppretthalde, også med forbetringar i tråd med innspela frå Sauda og Suldal, seier Kalsås.