Rekord for Rennesøydagen: – Ei enorm helg

Arrangørane trur mellom 3000 og 3500 var innom marknaden i Vikevåg laurdag.

Med 80 utstillarar og opphaldsvær så godt som heile helga, blei Rennesøydagen ein stor suksess.

– Me hadde vel 4000 besøkande frå fredag til søndag, av desse mellom 3000 og 3500 berre på laurdag, seier Tom Egill Tobiassen i arrangørstaben.

Med desse besøkstala er Rennesøydagen nesten på høgde med Tomatfestivalen, men med eit vesentleg lågare budsjett.

– Me var ærlege frå starten og sa at dette ikkje kunne bli eit dra-prosjekt. Dette måtte bli eit fellesskapsprosjekt, seier Tobiassen:

– Me opplevde engasjement frå alle hald og ei enorm glede frå utstillarar og dugnadsfolk. Folk blei med for å vise fram kva Rennesøy kommunedel har å by på.

Ansvarlege for arrangementet var Lene Dalaker i Lykkelig og Alvilde og Tom Egill Tobiassen i Ryklame. Stavanger kommune ga 150.000 kroner i kommunal støtte. Å få ein marknadsplass i Vikevåg laurdag, var gratis for alle.

Opningsshowet i Meieriet fredag samla kring 300 tilhøyrarar, som er fullt hus. Mange fekk òg med seg familiedagen i Prestvågen søndag, og foredraget søndag kveld med Sven Egil Omdal. Omdal greidde ut om sjukepleias historie gjennom førre tusenår, og som ein av tilhøyrarane sa etterpå: «Me kan vere glade for at me lever i dag».

Her er bilder frå den store marknadsdagen i Vikevåg laurdag: