FINNØY: Det nyoppstarta firmaet har alt fått ein del oppdrag, opplyser Tor Inge Nærland, som i tillegg til å driva firmaet også er tilsett i Stavanger kommune i uteseksjonen.
-Eg har sett at det er færre og færre som tek slike småjobbar som eg gjer. Før var det mange som gjorde det, men nå har det minka av, seier Nærland til Øyposten.
Ifølge Nærland er mange firma stort sett rigga for større jobbar, mens mindre oppdrag blir ofte takka nei til.
-Det kan vera montering av handtak, fjerning av dørstokkar for å gjera huset meir tilgjengeleg eller andre småjobbar. Mange eldre er svært nøye med å ta vare på huset sitt, og viss det er noko småtteri som krev vedlikehald, kan det vera vanskeleg å få utført det, seier han.
Tor Inge Nærland tek også oppdrag for hyttefolk, og for tida er det denne marknaden kor det er mest etterspurnad etter oppdrag.
-Det er mest på Finnøy, men eg har også hatt nokre oppdrag elles på øyane, opplyser han.