Gjer klar for landsdelstemne i innandørsskyting

For vel eitt år sidan tok Finnøy Skyttarlag i bruk det flunkande nye skyteanlegget sitt øvst på Kvame, like ovanfor fotballanlegget på Leikvoll. Topp moderne fasilitetar med ein innandørs miniatyrskytebane i tillegg, gir no grunnlag for at det lokale skyttarlaget i løpet av dei neste dagane kan avvikla landsdelskretsstemne i innadørsskyting for storparten av Sør-Norge.

-Me startar opp alt i morgon kveld, og forset både onsdag, torsdag, lørdag og søndag med stemne, opplyser leiar i skyttarlaget, Kirsten Elin Bergsvik.,-Heile 211 skyttarar frå Rogaland i sørvest til Telemark i søraust, er per i dag påmeldt. Då skal altså dei beste skyttarane i innandørsskyting i region Sørlandet kårast, fortel Bergsvik. Ho gleder seg verkeleg til å få testa ut det topp moderne skyteanlegget, og til å få så mange skyttarar frå heile Sør - Norge på besøk til Finnøy dei nærmaste dagane.,Det vil verkeleg setja det vesle skyttarlaget, med eit slikt skyteanlegg i "elitedivisjonen", på kartet.