FINNØY:
-Framgangen er gledeleg, og kjem som ein fylgje av målbevisst sasting på nettet og i papiravisa, seier redaktør Rune Nedrebø.,
Avisa fekk si eiga nettutgåve for halvtanna år sidan, og kan difor tilby ferske, dagsaktuelle nyheter frå Finnøy og Rennesøy. I tillegg er det satsa på å få innpass i Rennesøy, etter at Finnøy og Rennesøy havna i same kommune saman med Stavanger.
-Tilbakemeldingane er at folk er godt nøgde med avisa, og set pris på at me prøver å sjå det som skjer i dei to tidlegare øykommunane i samanheng. Det er noko me vil halda fram med og forsterka, og dette året har me difor tilsett ein ny journalist, Terese Torgersen, som utelukkande skal ha Rennesøy som sitt ansvarsområde. Me andre skal dekka Finnøy kommunedel, men også ha eit vakent blikk på det som skjer hos naboøyane i sør, seier Nedrebø.
Øyposten auka opplaget med 96 aviser i andre halvår av 2020, som prosentvis, pluss 6,2 prosent, er den desidert største auken i området. Dette betyr at framgangen frå første hakvår, då Øyposten auka med 120 abonnentar, held fram. Både Bygdebladet og Strandbuen hadde mindre framgang enn Øyposten, mens Aftenbladet kan notera seg for ein tilbakegang i andre halvår fjor. Øyposten har nå eit rekordhøgt opplag på 1635 aviser.
Her er opplagstala for avisene i området:
Stavanger Aftenblad | 63 268 | 63 337 | -69 |
---|---|---|---|
Haugesunds Avis | 21 726 | 21 132 | 594 |
Jærbladet | 13 458 | 12 920 | 538 |
Sandnesposten | 8 047 | 7 395 | 652 |
Dalane Tidende | 7 492 | 7 315 | 177 |
Strandbuen | 5 206 | 5 041 | 165 |
Solabladet | 4 183 | 4 004 | 179 |
Gjesdalbuen | 3 583 | 3 430 | 153 |
Bygdebladet Randaberg og Rennesøy | 3 561 | 3 469 | 92 |
Suldalsposten | 2 366 | 2 278 | 88 |
Ryfylke | 2 278 | 2 274 | 4 |
Tysvær Bygdeblad | 2 138 | 2 163 | -25 |
Øyposten | 1 635 | 1 539 | 96 |
Karmøynytt | 1 395 | 1 408 | -13 |