MOSTERØY: 17.mai var Fimland både på Fogn og på Mosterøy for å gjera filmopptak i forbindelse med besøket av Kirk Mies, amerikanaren som er ein av toppane i Norwegian Slooper Society of Amerika.,
Det er organisasjonen for etterkomarane etter "sluppefolket", dei som reiste over havet i 1825 med den opphavlege sluppen "Restauration". Kirk Mies er 6. generasjon av Daniel og Brita Rossadal, som reiste over med skuta i 1825 saman med fem barn.
-Kjem du til å laga film viss det blir amerikareis om tre år på "Restauration"?
-Eg veit at dei prøver å samla mannskap til ein slik tur, men eg er ikkje sikker på om eg er rette mann til å vera med på den turen. Men tanken ligg der, i bahovudet mitt, stadfestar Frode Fimland overfor Øyposten.
Filmopptaka som nå er gjort er uansett starten på eit filmprosjekt kor "Restauration" spelar ei sentral rolle.
Fimland har mellom anna laga "søsken til evig tid" og "John - den siste cowboy". 17. mai, om dagen var han Vidar Aarhus på Fogn for å vera med på dåpen av lettbåten "Margaret Allen", oppkalla etter jentebarnet som blei fødd under overfarten i 1825.
Kirk Mies har både med kona og tre av barna på denne turen til Norge, som alle synes det er ei oppleving å få vera med på 17. mai her.
-Det var Kirk Mies som fekk æra av å fjerna klede som dekka navnet på lettbåten, under seremonien på Fogn, opplyser Vidar Arhus.
-I dag ville nok turen over Atlanteren ikkje vera så skummel, med alle hjelpemiddel som er nå. Men for to hundre år sidan, hjelpe meg, seier dottera Elisabeth Mies om turen i 1825.