RENNESØY:
Laurdag 27. august neste år er det igjen planlagt Rennesøydag. Dagen skal åpnast av ordføraren, og etter alle solemerker blir det Rennesøys eigen Dagny Sunnanå Hausken, sidan Kari Nessa Nordtun då truleg er i barselspermisjon.,
I den forbindelse sender leiaren i kommunedelsutvalet, Terje Øvrebø og leiaren i kystlaget, Jan Tore Helland ut invitasjon til næringsaktørar om å delta. Påmeldinga åpna onsdag, og er åpen fram til 15. februar neste år.
Men arrangørane oppfordrar interesserte til å melda seg på tidleg.
"Forrige gang dagen ble arrangert i 2019, var det 40 utstillere som deltok, og mellom 1000-1500 besøkende. Vi har fått mange henvendelser fra folk som savner Rennesøydagen, så vi håper at alle gode krefter vil bidra til neste års arrangement. Vi håper også at vi kan tiltrekke oss andre besøkende, så de får se alt det flotte vi har å by på i vår kommunedel", heiter det mellom anna i invitasjonen.
Rennesøydagen skal vera ein marknads- og familiedag, som skal visa fram noko av alt det Rennesøy har å by på.