FINNØY:
-Me skal vera der viss nokon treng hjelp til å finna ut av korleis dei skal gi, seier Birger Hetland, leiar av kommunedelsutvalet til Øyposten.,
På grunn av korona'en blir det nemleg ikkje bøssebærarar i år. I staden kan folk ringja inn gåver eller gi over nettet.
-Grendalaget på Ombo har til dømes oppretta ei felles digital bøsse, opplyser Hetland, som er spent på resultatet.
-TV-aksjonen i år blir annanleis, og det er spennande å sjå korleis det vil slå ut, seier han.
Det er ni frå kommunedelsutvalet som vil vera til stades i Innbyggartorget laurdag, frå 10 til 16.
Årets TV-aksjon går til organisasjonen WWF som skal bruka pengane til å rydda opp plastsøppel frå havet.