-Eg støttar fullt ut Birger Hetland når han vil jobba for at den nye kommunen skal ta eit sterkare ansvar for Øyfast, seier Runestad til Øyposten.,
Runestad er samd med Hetland i at formuleringa som fleirtalspartia laga om Øyfast er for svak.
-Det må seiast klarare at Stavanger vil jobba for dette, elles risikerer me at prosjektet visnar vekk i fylkeskommunen. Difor bør det seiast noko om at midlar frå Havbruksfondet skal øyremerkast til Øyfast i ein viss periode, foreslår Runestad.
Han registrerer også at nye Sandnes med hjelp av kraftmidlar frå Forsand har sett av midlar til vegen Espedal-Frafjord. Då må ikkje Stavanger visa manglande interesse for Øyfast, meiner han, og håpar at også grendalaga i Finnøy nå er vakne og kjem på banen.