Barnehagane fekk restlageret til isbaren
God stemning utanfor isbaren på Judaberg fredag då barnehagane på Finnøy fekk gratis is.
– Sesongen går mot slutten og me har eit nokså stort lager av is, seier bareigar Stephan Dickinson på Judaberg:
– I staden for å fryse det ned til neste år, har me invitert dei to barnehagane på Finnøy i dag til å kome og få gratis is.
Isværet fredag var det aller beste, med sol og god temperatur, og kring lunsjtider kom dei i puljar frå Hagatoppen i vest og Utsyn i sør.
– Kjempekjekt tilbod dette, seier pedagog Rebecca Halvorsen som har med nokre ungar frå avdeling Nøtteskrikene i Utsyn barnehage.
Issjef Richard Høyvik reknar med at isbaren vil ha ope ut september. Så er issesongen over for i år.
– I fellesferien var det litt stille her, men alt i alt har me hatt ein bra sesong. Tomatfestivalen samla frå fredag til søndag i år var rekord, seier Høyvik.
