Hvaldimir er tilbake i Ryfylkebassenget
Onsdag kveld var kvitkvalen Hvaldimir i Hjelmeland.
Kjendiskvalen Hvaldimir skapte glede og oppstandelse då den onsdag kveld gjesta båthamna på Hundsnes i Hjelmeland.
– Det var fleire som klappa den. Den leika med nokre blåser og var verkeleg kontaktsøkande, seier Dag Bjørnsen til avisa Strandbuen.
Hvaldimir var i Ryfylkebassenge òg i mai før den reiste sørover til Sørlandet.
Team Hvaldimir er ei gruppe dyrevener som følger den aparte kvitkvalen på sin ferd.
– Akkurat nå veit me ikkje kor den er, seier leiar Sebastian Strand i Team Hvaldimir til Øyposten fredag ettermiddag.
– I går så me etter den rundt Ombo og Randøy, men så ingenting. Siste observasjon er den i Hundsnes onsdag kveld, legg han til.
Hvaldimir er estimert å vere kring 13 år gammal, og i yngre år blei den sannsynleg trena i Russland for å utføre tenester, kan hende for militæret, utan at det er stadfesta. Dei siste fire åra har den vore på frifot langs norskekysten, og den har blant anna vore på BBC-nyheitene.
Hvaldimir har gjesta Finnøy – blir fulgt av team som har lagt seg inn i Stavanger
Kart som viser Hundsnes i Hjelmeland:
