FINNØY:
-Konkurransetilsynet ga sitt samtykke for halvanna veke sidan, og formalitetane er dermed i orden for kjøpet, opplyser Øyulf Hjertnes til Øyposten.,
Hjertnes er styreleiar i Schibsted Kyst, paraply-selskapet for Schibsted sine lokal- og regionaviser.
Som ein følge av at Schibsted nå overtek som hovudeigar av Øyposten blir det også oppnemnt nytt styre. Det nye styret blir:
Øyulf Hjertnes, styreleiar, Bergen
Stephan Dickinson, Finnøy
Anita Sandal Lærum, Kristiansand
Richard Kjønnhaug, Sandnes
Anita Sandal Lærum er styreleiar i Lokalavisene AS, Schibsted-selskapet som eig fleire lokalaviser rundt Bergen pluss Øyposten. Richard Kjønnhaug er salgssjef i Schibsted sin annonseorganisasjon i Stavanger, og har sin daglege arbeidsplass i Stavanger Aftenblad.
Schibsted har kjøpt 80 prosent av aksjane i Øyposten, mens Stephan Dickinson beheld dei resterande 20. I handelen inngår også nettavisa Randaberg24, som er eit heileigd Øyposten-selskap. Ifølge Øyulf Hjertnes vil det nye styre ha si første samling over ferien.
-Ambisjonen er å utvikla avisene slik at dei kan veksa vidare. Men dette tek me steg for steg, seier Hjertnes.