I 2010 fekk Jan K. Bokn på Sør Bokn i Fisterøyane, tillatelse - dispensasjon - til utbygging av naust på eigedomen sin (gnr.82/bnr.4). Fylkesmannen hadde den gong ingen vesentlege merknader til saka, etter at også Finnøy kommune gav grønt lys til dispensasjonssøknaden. For ein månad sidan, og 9 år etterpå, har derimot Fylkesmannen omgjort tidlegare vedtak med bakgrunn i klage frå ein hytteigar som har eigedomsgrense til ein del av eigedomen.,No klagar "Pro-Plan, Finnøy" saka vidare inn for Sivilombudsmannen på vegne av grunneigaren.,
Naustet blei påbyrja etter 3-årsfristen for byggestart, og ein hytteeigar i området gjorde kommunen merksam på dette. Finnøy kommune ba så om at det blei sendt inn ein ny byggesøknad, og dette blei gjort i slutten av oktober i fjor.
I den nye søknaden kom det så merknader frå den same hytteeigaren som i utgangspunktet hadde bede kommunen om ulovlegheitsoppfølging av naustet. Merknaden galt no i det vesentlege privatrettslege forhold, knyta til hytteeigaren sin eigen bruk av området. Finnøy kommune ga også då, som i 2010, byggeløyve til naust med den same grunngjevinga som i 2010. Denne grunngjevinga tek utgangspunkt i at oppføringa av naust er knyta til eksisterande gardsbruk, og at plasseringa er knyta til eksisterande brygge.
Vedtaket om bygging av naust i regi av Finnøy kommune blei ikkje påklaga av Fylkesmannen i 2010. Etter at Fylkesmannen har kome klagen i møte, og såleis omgjort vedtaket, kan dette ikkje påklagas. Det får då som konsekvens at grunneigar no ber Sivilombudsmannen om å sjå på saka, fordi han meiner at han ikkje får svar frå Fylkesmannen i ein rekke spørsmål som er knya til sjølve klageavgjerda.