RENNESØY: -Me gledar oss veldig. Neste år blir Meieriet stengd for ombygging, og i mellomtida vil me prøva å ha forskjellige arrangement her, seier Linn Beate Austbø til Øyposten.
Det blir «fint antrekk», og på menyen står tre-retters middag med mellom anna suppe med steikt sjøkreps, entrecôte og Panna Cotta til dessert. Det blir også bar.
-Me håpar at det er idrettslag som vil tena nokre ekstra slantar og vera med og severa. Då må dei også stilla i fint antrekk, seier Austbø.
Middagen blir laga av Bygdakokken på Finnøy, og i tillegg blir det underhaldning med sjølvaste Pål Mangor Kvammen og Oskar Nordbø. Oskar Nordbø ga ut nytt album i februar, og smakebitar derifrå vil venteleg stå på repertoaret.
-Mer inviterer alle i øyriket til å bli med på denne kvelden, seier Linn Beate Austbø. Påmelding skjer på heimesida til Kulturhuset Meieriet.