FINNØY: Vassendgutane har vore på øya før. Dei hadde ein konsert på Finnøy for nesten fire år sidan, og det ga meirsmak.
– Når dei var her sist sa dei at dei gjerne kunne tenkt seg å komma tilbake, fortel styreleiar i hallen, Arild Flesjå.
Jordnære gutar
Flesjå fortel at dei hadde ei god opplevelse med bandet, og at alle i styret var einige om at dei ville invitera dei tilbake.
– Me hadde ein veldig god tone med dei. Det er jordnære gutar. Du kunne planta dei på Finnøy, ler Flesjå.
Han tok kontakt med Ørsta-bandet igjen for rundt eitt år sidan, men så blei det lagt på vent på grunn av pandemien.
– Me kunne ikkje arrangert dette viss det ikkje var for gjenopninga. Me hadde aldri tatt sjansen. Så me ser fram til dette, seier styreleiaren.
https://www.oyposten.no/2020/10/02/avlyser-konsert-med-vassendgutane/
Meir aktivitet
No håpar styret på fullt hus med eit publikum på 600 personar.
– Me ser verkeleg fram til å endeleg få markert nyopninga av hallen skikkeleg. Den har jo nesten vore stengt, delvis stengt, eller hatt restriksjonar i lang tid, fortel Flesjå.
– Eg likar godt Vassendgutane. Dei skapar litt show, både blant dei unge og den eldre garde.
No lovar styret meir aktivitet ut over hausten, men styreleiaren trur dette blir eit høgdepunkt.
– Eg vil forresten nemna at me har eit fantastisk næringsliv som ser kor viktig det er å støtta lag og organisasjonar i sitt området, legg styreleiaren til.
Konserten blir halde i fleirbrukshallen 11. desember.