Jobbar med å slå saman skulekorps – sjå filmen som skal auke rekrutteringa

Dei to skulekorpsa i Rennesøy kommunedel tar grep for å sikre framtida.

Skulekorpsa var blant dei kulturinstitusjonane som sleit mest under pandemien, med avlyste 17. mai-feiringar og avlyste øvingar.

Mosterøy skolekorps og Rennesøy skulekorps har starta eit samarbeid og har i vår gått saman om å lage ein reklamefilm for å få fleire musikantar. Filmen er laga i samarbeid med reklamebyrået Ryklame og med støtte frå Stavanger kommune.

Sjå reklamefilmen for korpsa her:

Styreleiar Ingvild Skare i Mosterøy skolekorps fortel at dei to korpsa har til saman kring 20 til 25 musikarar.

– I løpet av hausten vil me jobbe med muligheiten for å slå oss saman, seier Skare:

– Allereie nå blandar me oss ein del og samarbeider.

Mosterøy har per i dag det sterkaste korpsmiljøet på Ryfylkeøyane.

Finnøy skulekorps fekk nyleg midlar til dirigent og instruktør, og ei stilling vil bli utlyst ein av dei nærmaste dagane, opplyser Stavanger kulturskole.