Turnerer med hagekonsertar i Finnøy

Hilde Selvikvåg har halde to hagekonsertar på Finnøy, og er klar med den tredje på Sjernarøy rett over sommaren.

Hilde Selvikvåg poserer villig for Øyposten før konserten i Bjøravåg på Finnøy fredag kveld.
  • Rune Nedrebø
Publisert:

FINNØY: Då pandemien slo til fann artisten frå Time på Jæren ut at det var enklare at ho kom heim til folk, enn at folk gjekk på konsert med henne.

Slik kom konseptet med hagekonsertar i stand. I helga hadde Hilde Selvikvåg to konsertar på Finnøy, ein i Bjøravågen og ein i Steinnesvåg.

I august skal ho ha konsert på Sjernarøy, og den er nå flytta til Sjernarøy Maritim.

-Interessa har vore stor for opplegget, over 200 melde si interesse denne sommaren for å få besøk av meg, seier Selvikvåg til Øyposten.

Blant dei 200 har ho trukke ut 40 som er så heldige å få besøk av artisten. Vilkåret er mellom anna at det er minst 20 publikummarar til stades.

-Folk kan invitera venner og kjente til å koma og høyra meg, seier ho.

Det er andre året ho prøver dette opplegget, men vurderer også om ho skal fortsetja med det i 2023.

-Folk må fylgja med på Facebook-sida mi, kor neste års opplegg blir lagt ut i februar-mars, seier ho.

  1. Finnøy