Stilte ut årets prosjekt

I helga hadde Terna 4H på Sjernarøy sin årlege haustfest, der dei stilte ut prosjekta medlemmene hadde arbeid med gjennom året. To vinnarar blei kåra.

Elleve medlemmer av Terna 4H viste fram prosjekta sine i gymsalen i Sjernarøy Oppvekstsenter. Ordførar Sissel Knutsen Hegdal var til stades og kasta glans over feiringa.

– Festar som dette, er noko Sjernarøybuen er skikkeleg gode på, skriv ho på Facebook etter å ha tatt turen til Aubø søndag ettermiddag.

Diplom blei delt ut til deltakarane, og det var også middag, kakebord, leiker, quiz og loddsal.