Korbesøk og mjuke tonar i Sjernarøy-kyrkja

Koret «Kor e du» varta opp med vakre poplåtar mens Hanne Vasshus baud på nokre av sine eigne sangar under konserten i Sjernarøy kyrkje laurdag kveld.

Koret «Kor e du» saman med Hanne Vasshus. Dirrigent er Tine Hodne, og medsolist er Sydney Philipa Lie Hundsnes. Pianist er Atle Hundsnes. Foto: Rune Nedrebø
Publisert:
Hanne Vasshus leverte flotte, nakne tolkingar av eigne songar, utan mikronfon og bare akkompagnert av eige gitarspel Foto: Rune Nedrebø

SJERNARØY: Konserten var støtta av Stavanger bispedømme og Stavanger kirkelige fellesråd, og blei arrangert i samarbeid med soknerådet i Sjernarøy.

På repertoaret stod songar av kjente artistar som Dagny, Katy Perry, Justin Bieber og Miley Cyrus, før koret avslutta konserten med den vakre «This is me» frå filmen «The Greatest Showman» saman med Hanne Vasshus.

Konserten i rennesanse-kyrkja kom i stand etter initiativ frå dagleg leiar i Finnøy-kyrkja, Heidi Bø Sangedal. Hanne Vasshus takka ja til oppdraget, men stilte som vilkår at ho fekk med seg koret «Kor e du», som ho hadde opptrredd saman med under ein konsert i regi av Frelsesarmeen i vår.

Dirrigent Tine Hodne var ikkje vanskeleg og be, og er svært begeistra for Sjernarøy-kyrkja.

-Det er ei flott kyrkje med rosemalinga og altertalva, lyst, varmt og trygt, seier Hodne til Øyposten.

Sjølv om det var bare ein del av koret som stilte på konserten, blei det ei flott oppleving for dei 20-tals frammøtte.

  1. Konsert