Finnøybu speler i Nordisk Råds filmprisnominert film
Finnøybuen Madelaine Graadahl spelte i 2019 i ein grønlandsk spelefilm som no er nominert til Nordisk Råds Filmpris.
Den grønlandske horrorfilmen Allangut Killingani er en av de nominerte filmene til Nordisk Råds Filmpris 2023. Finnøybuen Madelaine Graadahl speler ei sentral rolle i denne filmen.
– Filmen blei spelt inn då eg budde på Grønland i 2019, fortel ho til Øyposten.
– Eg speler rolla som turist. Eit kjærestepar reiser til Nuuk for å oppleve noko nytt og piffe opp forholdet, og der overbeviser me turistguiden til å ta oss med ut på ei øy der det tidlegare har hendt mystiske ting. Det er ein klassisk skrekkfilm.
Prisutdelinga vil finne stad i Oslo i oktober.
– Dette er stort, seier Graadahl om at filmen er nominert til prisen.
– Det er første gang eg har hatt ein større rolle i ein spelefilm. Tidlegare har eg hatt roller i TV-seriar, kortfilmar og reklamar. Filmdebuten min kom i 1999 då eg hadde ein rolle i dokumentaren om Alexander Kielland-ulukka på NRK.
Filmen er regissert av den grønlandske filmskaparen Malik Kleist og produsert av Nina Paninnguaq Skydsbjerg for PaniNoir / Imalik Film.
