Hilde Selvikvåg til Sjernarøy Maritim

Eigentleg skulle den populære artisten frå Lye spelt «i hagen» til Johnny Furre på Bjergøy

Hilde Selvikvåg fortset turneen med minikonsertar i sommar. I august kjem ho til Sjernarøy.
  • Oddbjørg Måland
Publisert: Publisert:

SJERNARØY: I fjor hadde Selvikvåg fleire minikonsertar i hagane til folk. Den kreative ideen var blant anna eit resultat av pandemien. I eit intervju i Aftenbladet etter ein slik hagekonsert, sa artisten at ho ville gjera det til ein tradisjon.

Turnèen er kalt opp etter songen hennar «i min hage» og går ut på at ho spelar intimkonsertar heime i private hagar, vanlegvis for 20 - 30 utvalde personar.

Fullt program

Og ein tradisjon har det blitt, for i sommar kjem ho til Johnny Furre.

Rett nok ikkje i hagen hans, men til Sjernarøy Maritim.

– Då eg blei trekt ut som heldig vinnar av konsert i min eigen hage, tenkte eg at godene må delast. Difor ba eg fint om å få flytta arrangementet til Maritim’en, seier Furre til Øyposten.

Forutan Hilde Selvikvåg står Skalldyrfestival, Fiskefestival og Sjernarøymarknad på programmet til Sjernarøy Maritim i sommar, og i august er det igjen tid for Sjernarøybeden, som er Sjernarøy sitt svar på NRK-programmet «Beat for beat».