«Framsyninga er inspirert av eit gammalt «sigøynareventyr», og er full av rytmar, musikk og fargerike kostyme. Borna vert inviterte med i dansen!» skriv biblioteka på nettsidene sine.
Førestillinga er utvikla i samarbeid med Barnas Musikkteater som speler 500 førestillingar kvart år for 30.000 barn i Norge. Dei er sponsa av blant andre EU, Forskingsrådet og Innovasjon Noreg.
– Gjennom denne gamle sigøynarhistoria vil kunstnaren framkalle musikken, dansen og verdiane til sigøynerfolket, som er nomadar forelska i fridom og store opne rom, skriv Barnas Musikkteater om førestillinga:
– Det kunstnariske uttrykket vil bli delt gjennom rytmane til tradisjonell dans og fargerike kostyme som vil framkalle fantasien, gledeånda og feiringa for barna.
Førestillinga kjem til biblioteka laurdag 13. april. Gratisbillettar finn du på Linticket.no