SJERNARØY: -Me satsar på ei fin stund med senka skuldrar og god julestemning. Det vil stå både gamle og nye julesangar på programmet, opplyser Nils Trygve Hauge til Øyposten.
Konserten er førstkomande søndag klokka 16.30, og er ein tradisjon i Sjernarøy-kyrkja.
Deilig er jorden, Glade jul, Mitt hjerte alltid vanker og andre tradisjonsrike julesangar vil bli framført, i tillegg til julesangar av nyare dato.
-Det blir allsang, og nokre nummer som me framfører åleine, opplyser Hauge, som legg til at kyrkja er fint pynta til jul.
-Er folk i Sjernarøyane flinke til å syngja?
-Ja, det er dei, når dei først kjem i gang let det godt, slår Nils Trygve Hauge fast.
