Finnøy-jordbær snart klar for Stokka-ganer
Kåre Nordbø er klar med årets første jordbær. Dei går til Helgø Meny-butikken i Stavangers betre nabolag, på Stokka.
FINNØY:
Årets første jordbær frå Finnøy er blitt gjenstand for oppmerksomhet både i avisa VG og i NRK.,
Det er Kåre Nordbø som har begynt å finna dei første rauda bæra av sorten Sonata.
Søndag reknar han med å levera den første sendinga til Helgø Meny-butikken på Stokka.
- Det er cirka ei veke seinare enn i fjor, seier Nordbø til Øyposten.
På grunn av høge gassprisar utsette han innplantinga av jordbærplanter i drivhuset med tre veker. Men mykje fint vêr gjer at han har tatt inn to veker. Nordbø reknar med å hausta jordbær ut juni.
Sjølv om dei norske jordbæra ligg over dei utanlandske i pris, har dei selt godt, opplyser han.
Storparten av bæra blir omsett i Rogaland.
-Viss eg skal senda bær austover må det vera viss det kjem ei bestilling frå Slottet, smiler Nordbø.