Første hauststormen kan treffa øyane torsdag
Det er sendt ut mange farevarsel for slutten av veka fleire plassar i landet. I Sør-Rogaland er det meldt om kraftige vindkast, med fare for storm.
Denne artikkelen er over to år gammel
Frå torsdag morgon og ut på ettermiddagen er det venta vest- og seinare nordvest sterk kuling til liten storm, melder Meteorologisk Institutt.
Farevarselet er sett som gult, for moderat fare, i Stavanger-området og gjeld kraftige vindkast. Lokalt kan det bli vind opp til 27-32 m/s, og kan hende full storm.
Fest lause gjenstander
Dei kraftigaste vindkasta er venta på utsette områder, spesielt i ytre strøk.
Meteorologisk institutt oppmodar difor om å sikra lause gjenstander, og å visa forsiktigheit dersom ein ferdas i strandsona.
Det blir elles overskya og litt regn utover veka, med nokre solgløtt i helga.