Bli med ombord i den nye ferja MF "Hidle"

Tysdag klappa MF «Hidle» til kai i Stavanger. Øyposten var på plass og fekk omvising ombord. Bli med og ta ein kikk.

Den nye ferja har god plass på bildekket.||Baugen er ein god del breiare enn på dagens ferjer.||||Ladestasjonar for pc og mobil og wifi høyrer med.|Kildesortering er obligatorisk.|Salongen har nøktern standard, med stolrekkjer tett i tett.||Skinnsofa ved vinduet framme.||||Det store soldekket frå "Sjernarøy" og "Foldøy" er erstatta med denne plassen.
Publisert: Publisert:
Denne artikkelen er over to år gammel

STAVANGER: Høgare, lenger og plass til fleire bilar. Siste skrik i moderne teknologi og wifi og lademulighet. Dettte er stikkorda for den nye ferja «Hidle» som  klappa til kai i Stavanger tysdag.,

Etter å ha unnagjort 3600 nautiske mil, kunne MF «Hidle» tysdag ettermiddag ta om bord los utfor Tanager og stima inn Byfjorden, sterkt forsinka i forhold til den opprinnelege tidsplanen.

 Salongen har nøktern standard, med stolrekkjer tett i tett.

-Det er veldig bra å endeleg få henne heim , seier Annette Røberg, driftsansvarleg for ferjer i Rogaland i Norled, til Øyposten.

Ho var møtt fram på kaien i Stavanger for å ynskja ferja velkommen, med styremekanismen til ferjelemmen på Fiskepiren i lomma. Den hadde nemleg ikkje mannskapet med.

Dammande stilt

Skipper Helge Lunden frå Finnøy er også glad for å sjå heimlege trakter igjen. Han og mannskapet har stått ombord sidan ferja forlet verftet i Tyrkia sidan slutten av juli.

-Det er greitt å vera heime, me var litt leie nå, seier han om den lange reisa. Vêret har nemleg gjort at ferja har lege vêrfast i Spania og Portugal i vekevis. Men før helga betra det seg, og då gjekk det raskt. Fem dagar tok turen frå El Ferrol i Nord-Spania til Stavanger.

 Skinnsofa ved vinduet framme.
 Ladestasjonar for pc og mobil og wifi høyrer med.

-Me hadde litt sjø til å begynna med, og litt i Den engelske kanal, men over Nordsjøen var det dammande stilt, heilt sjeldent flott vêr, seier Lunden, som gjerne viser Øyposten rundt i den nye ferja.

Lenger og breiare

Ferja er 10 meter lenger enn «Sjernarøy» og «Foldøy», og har plass til 12 fleire bilar. For trafikkantar frå øyane som skal reisa med den nye ferja er kanskje det den viktigaste opplysinga. Søsterskipet «Ombo», som fortsatt ligg i Tyrkia, har same kapasitet.

 Kildesortering er obligatorisk.

Den nye ferja er også breiare og høgare enn ferjene som har trafikkert finnøysambandet til nå. Bildekket har også eigne avmerka felt til reisande med nedsett rørlighet.

Salongen er plassert over bildekket, og har plass til 197 passasjerar. I motsetning til på «Sjernarøy og Finnøy», er mesteparten av sitjeplassane stolrekkjer utan bord. Ved dei store vinduene på eine sida er det stolar og bord. I fronten av salongen er det fire rekker med skinnsofaer med utsikt. Uteplassen er meir begrensa enn på dagens ferjer, med to benker til å slå seg ned på.

Wifi og kiosk

Salongen er utstyrt med wifi og uttak til lading av pc, og det blir sjølvbetjent kiosk.

Alle styrhus på ferjene som Norled nå byggjer sydd over same leisten. Det gjeld også denne, og inneheld det siste av moderne skipsteknologi. Alle skjermar er touch-skjermar.

-Ferja har også veldig gode forhold for dei ansatte, med gode lugarar med dusj og toalett til kvar lugar, opplyser Lunden. Ferja skal ha eit mannskap på fem pluss ein lærling, og skal gå på biodiesel.

 Det store soldekket frå "Sjernarøy" og "Foldøy" er erstatta med denne plassen.

-Korleis blir det å manøvrera ei så stor ferje inntil dei små kaiane i øyane?

-Det går nok fint, ferja er veldig manøvrerings dyktig. Dessutan har me hatt store ferjer før i sambandet, for eksempel «Finnøy», som me var innom både Nord-Hidle og Foldøy med. Det gjekk bra, det, seier skipper Helge Lunden.

Vidare til Ølen

-Heng det og blør mykje heime på Finnøy nå, når du har vore så lenge borte?’

-Ja, alt, ler han.

-Nei, då, me var forberedt på at dette kunne ta tid, legg Lunden til.

Ifølge Annette Røberg skal ferja nå til verftet Werstcon i Ølen for modifisering, før ho blir sett inn i drift mellom øyane. Når det skjer er ennå ikkje klart.

Det er heller ikkje endeleg klart når MF «Ombo» skal hentast heim frå Tyrkia, men Helge Lunden reknar med at også det blir hans jobb, og er klar for det.

 Baugen er ein god del breiare enn på dagens ferjer.

Blant dei som var  møtt fram då ferja kom var unggutten Jonathan Solheim frå Hommersåk. Han har ein bestefar, Helge Sande frå Rennesøy, som har jopbba i «selskapet» som skipper både på ferjer og hurtigbåtar,  og er sjølv godt over gjennomsnittet interessert i ferjer.

-Det er ei flott ferje, fin salong og ikkje bøyd dekk. Det er ein fordel for dei som skal om bord, slår han sakkyndig fast.

Publisert: