Lærer gamle kunster på veggene til Hesby-kyrkja

Den skadelege fasademalinga på den gamle steinkyrkja i Hesby må skiftast ut, og torsdag var det kurs i korleis fasadane skal behandlast. 

Murarane Harald Røyland (t.v.) frå Mandal og Håkon Angerman frå Bergen brukar gammal teknikk under pussinga av fasaden på Hesby-kyrkja.
Publisert: Publisert:
Denne artikkelen er over to år gammel

FINNØY: -Det er viktig å bruka stein på stein, seier kurshaldar Tore Granmo til Øyposten.,

Med det meiner han kalkstein, eller marmor som blir brent i 850 graders varme, tilsett vatn og blanda med sand. Det gir nemlig kalkmørtel som pustar, og det er dette som skal brukast på fasadane på Hesby kyrkje.

Med tida skal sementen og plastmalinga som nå dekker veggene skiftast ut, og denne veka var det kurs for murarar og lærlingar korleis arbeidet skal gjerast. Det er kyrkjeleg fellesråd i Stavanger som arrangerer kurset, med støtte frå Riksantikvaren. Fagleg tilretteleggar av kurset er Fabrica kulturminnetjenester.

Det skal vera to veker med kurs i haust og to veker til våren, og både Hesby og Sørbø kyrkje på Rennesøy skal vera øvingsarena.

Publisert: