25 kilometer piggtråd kan bli fjerna i øyane

14 bønder i Finnøy og Rennesøy har hittil søkt om tilskot til å fjerna piggtråd tilsvarande 25.000 meter gjerde. På grunn av stor interesse for ordninga kjem landbrukskontoret til å betala bare 10 kroner meteren, mot annonsert 15 kroner.

Sigmund Kloster fjernar gammalt piggtråd- og nettinggjerde på Rennesøy og erstattar det med nytt.
Publisert: Publisert:
Denne artikkelen er over to år gammel

FINNØY-RENNESØY:

Sigmund Kloster på Voll på Rennesøy er ein av bøndene som har søkt om støtte til å fjerna piggtrågjerde.,

-Viss hensikten er å få folk til å byta ut piggtrågjerde med andre typar inngjerding, er 10 kroner alt for lite. Då burde gulrota vore større, seier Kloster til Øyposten.

Han har planar om å skifta ut 400-500 meter med gjerde, og har søkt om støtte til det.

-Dette er gjerde eg hadde kome til å skifta ut uansett, det er gammalt og har gjort jobben sin. Men det er eit heilt arbeid, fastslår Rennesøy-bonden.

Må ha høgare gjerde

Han har satsa på ammekyr av typen charolais, og det nye gjerdet på garden overgår langt det gamle. Gjerdestolpane er solide 10 centimeters sekskanta stolpar med halvannan meter nettinggjerde. Hjørnene er stiva av med justerbare, galvaniserte jernstenger. Til arbeidet brukar han ein maskin påmontert traktoren til å dunka pålane nedi bakken.

-Det nye gjerdet er høgt nok til at dyra ikkje kan få hovudet over og trykkja gjerde ned, og eg slepp dermed å bruka både piggtråd eller vanleg streng. Men det en del dyrere enn vanleg ein meters høgt nett, seier han.

Dessutan dreg det eine det andre med seg. Det nye, høgare gjerdet betydde også at dei gamle gjerdepålane blei for låge, og måtte skiftast ut. Difor har han ein heil stabel med gode åtte centimeters gjerdepålar som han kjem til å selja, rimeleg.

Sigmund Kloster jobbar i Randaberg Industries når han ikkje driv garden på Voll, og har bygd opp garden med to nye bygningar for storfe, nytt reidskapshus og nytt kyllinghus, etter at han overtok garden for seks år sidan.

Reduserer beløpet

Ifølge Silke Ullrich ved havbruks- og landbrukskontoret på Finnøy har interessa for å søkja tilskot til fjerning av piggtråd vore mykje større enn det er midler til.

14 bønder i dei to kommunane har søkt om støtte, og landbrukskontoret har bedt om ei ekstraløyving frå Statsforvaltaren i Rogaland til fjerning av piggtråd på øyane.

-Interessa har vore så stor at me har vald å redusera betalinga frå 15 kroner, som det først blei lova, til 10 kroner, for at alle som  har søkt i alle fall skal få noko betalt, seier Ullrich til Øyposten.

Medrekna ekstraløyvingablir blir det gitt 245.000 til fjerning av piggtråd i Finnøy og Rennesøy, og med ein meterpris på 10 kroner vil det bety at rundt  25 kilometer med piggtråd kan bli fjerna. Ordninga er ei eingongs løyving, og bøndene har frist ut året til å gjennomføra tiltaket.

Publisert: