-Bygg Vikevåg på dugnadsånd

Lag og organisasjonar og dugnadsånd kan byggja Vikevåg som eit samlingspunkt i kommunedelen, meiner to engasjerte Høyre-kvinner. 

Inger Lise Jørgensen (bakerst) og Bente Gudmestad ivrar for å skapa meir liv i Vikevåg.
Publisert: Publisert:
Denne artikkelen er over tre år gammel

RENNESØY:

Inger Lise Jørgensen og Bente Gudmestad er begge sterkt opptekne av framtida for Rennesøy kommunedel i den nye kommunen.,

-Rennesøy har i alle år hatt ei god dugnadsånd, som det må byggjast vidare på. Dessutan treng kommunedelen eit samlingspunkt som kan gi folk tilknytning til kommunen. Vikevåg er sentrum i vår kommunedel, då er det her det må skje, meiner dei to.

Dei meiner nøkkelen til å få dette til ligg i å jobba saman med frivillige lag og organisasjonar. Me skal vera realistiske, og medan me ventar på eit større kommersielt tilbod, må dugnadsånd leggja grunnlaget for aktivitet og trivsel, meiner dei to.

-Tenk på alt som er gjort på dugnad i kommunedelen; Mastrahallen, samfunnshuset på Sørbø og drifta av Kulturhuset Meieriet. Tenk om me kunne få til det same når det gjeld å utvikla Vikevåg, ivrar Jørgensen og Gudmestad.

Dei to rennesøy-kvinnene meiner at nøkkelen til å skapa noko nytt i Vikevåg må skje med samhandling og dugnad i påvente av kommunale planar.

-Men då må kommunen også spela på lag, og ikkje sabotera ved å dra inn nye aktivitetar i kommunehuset. Det er ikkje å byggja Vikevåg som sentrum, meiner dei to.

I staden bør forholda leggjast til rette for at lag og organisasjonar får gode forhold for aktivitetar i sentrum.

-Det kan tenkjast kafedrift på rundgang mellom frivillige organisasjonar i Kulturhuset Meieriet til dømes. Planane til båtforeninga om bubilparkering bør få full oppbakking, helst bør dei få utvida dispensasjon for drift fram til nye planar foreligg utan ny søknad. Skal Vikevåg få nytt liv må det byggjast stein for stein, meiner dei to, og legg til at folk gjerne må koma med idear og innspel om tilbod og aktivitetar dei ynskjer seg.

Publisert: