Miljøkrav for havbruksparken delte Høyre på midten

Åtte representantar frå Høyre røysta for å stilla strengare miljøkrav til havbruksparken på Talgje. Sentrale Høyre-folk som John Peter Hernes, Sissel Knutsen Hegdal og Kjell Erik Grøsfjell røysta for dette. Også Jarl Endre Egeland ville ha strengare krav enn det som fleirtalet gjekk inn for.

Næringsområdet på Talgje. Det er frisk diskusjon om kor strenge krav som skal stillast til etstetikken i området.
Publisert: Publisert:
Denne artikkelen er over tre år gammel

STAVANGER: Kommunestyret vedtok planen på ekstraordinært møte onsdag enstemmig. Kjartan Alexander Lunde (v) sette fram forslag om ei rekke miljøkrav til planen, men dette fekk ikkje fleirtal.,

Venstre foreslo mellom anna at det skulle stillast krav om "grøne tak" ved takhelling mindre enn 6 grader, plastra steinfyllingar og krav om tilplanting og gjensåing med gras der kor det ikkje foreligg søknader om bygg.

Forslaga blei støtta av Venstre, MDG, SV og Rødt, mens Høyre sprakk på midten.

Planen, kor innstillinga fekk støtte frå Ap, Sp, KrF, deler av Høyre, Fnb og Frp legg til rette for ei utviding av næringsområdet. Dette skal skje gjennom at terrenget mot sørvest blir sprengd ut og at massane blir nytta til utfylling søraust for dagens kai. Kaiareala skal vere felles for verksemdene i området. Sjøareala skal kunne nyttast til oppankring i samband med verksemda på land.

Bygg skal ha mørke fargar og variert materialbruk. Fyllingar og skjeringar skal leggje til rette for at bygg blir plasserte på minimum kote 2,5. Dette av omsyn til havstigning og stormflo.

«Den største verknaden av tilrettelegginga, kjem i form av skjeringar i terreng og fylling i sjø, noko som vil bli synleg i landskapet. Masser som blir sprengd ut skal nyttast til utfylling.

I tillegg til justeringar av areal, er det sett krav om mørke fargar på bygg og variert materialbruk, og krav om at fjellskjeringa skal tilplantast», heiter det i innstillinga.

Publisert: