Havbotnen rundt øyane skal saumfarast
Fyrstkommande måndag går startskottet for kartlegging av sjøbotn i Stavanger sin kystsone, heilt inn til fjæresteinane.
- Oddbjørg Måland
Ordførar og fylkesordførar, næringssjefen og representantar frå havbruksnæringa, samt representantar frå Kartverket, Norges geologiske undersøkingar og Havforskningsinstituttet, vil vera på stades i båtar på Judaberg måndag morgon.,
Regjeringa har løyva pengar over statsbudsjettet 2020 til dette pilotprosjektet, med oppstart i tre område.
Målet med kartlegginga er å samla inn og dela kunnskap og data for å syta for ei berekraftig utvikling og forvalting. Ved å etablera og forvalta ny kunnskap om verda som ligg under vatn kan Norge ta ut utviklingspotensial på ein berekraftig måte, til beste for den enkelte, samfunnet og framtidige generasjonar.