Bankar kuttar renta igjen

Både Hjelmeland Sparebank og SR Bank kuttar renta som ein følge av rentekuttet i Norges Bank.

Banksjef Susanna Poulsen i Hjelmeland Sparebank.
Publisert: Publisert:
Denne artikkelen er over tre år gammel

Hjelmeland Sparebank opplyser på nettsida si at banken frå 6. april set ned renta med inntil 0,85 prosent for eksisterande kundar. For bedriftskundar er det eigne fristar. Det er bare knappe to veker sidan banken kutta renta med 0,35 prosent, også det som ein følge av rentekutt i Norges Bank.,

Banksjef Susanna Poulsen opplyser til Øyposten at lågaste bustadrente nå er 1,95 prosent.

Også SR Bank kuttar renta, og set ned renta på bustadlån med inntil 0,5 prosent. Her blir rentenedringa gjeldande frå 15. april for eksisterande kundar, og lågaste rettleiande pris på bustadlån vil vera 2,04 prosent for "førstehjemslån".

-Me opplever noko usikkerhet knytta til utviklinga av pengemarknadsrenta, på tross av Norges Bank si endring av styringsrenta. Me ventar likevel ein nedgang i dagane framover, og har derfor valt å setja ned renta på bustadlån med inntil 0,50 prosentpoeng, opplyser konserndirektør Jan Friestad i SR Bank.

Samstundes set banken også ned renta på innskot med 0,5 prosent frå 25. mai.

Publisert: