Stavanger vil ha orden på brannvogner

Det er eit «absolutt mål» for Stavanger kommune å få til ei ordning for brannvognene på øyane, slår kommunen fast. Saka var oppe på politisk plan i Stavanger kommune i dag.

Brannvognene i øyane skal koma i hus, er målet til kommunen.
Publisert: Publisert:
Denne artikkelen er over fire år gammel

Det var varaordførar Dagny Sunnanå Hausken som tok opp saka, og peika på kor viktig det er for brannberedskapen med ei skikkeleg lagring av vognene.,

"Det er et absolutt mål at Stavanger kommune i samarbeid med Rogaland Brann og Redning IKS må få en ordning for disse brannvognene, og det er viktig med hensyn til brannberedskapen på Halsnøy, Ombo, Sjernarøy og Fogn", skriv direktøren for Bymiljø og utbygginbg, Leidulf Skjørestad i si orientering til politikarane.

"På kort sikt må brannvognene inn på en frostfri lagring og på noe lenger sikt må vi gjøre noen grundige vurderinger knyttet til samlokalisering med de grunneierne som nå planlegger nybygg på Skartveit (Halsnøy) og Sjernarøy.

Alle lokasjoner vil nøye gjennomgås og vil bli vurdert sammen med den lokale brannberedskapen.

På alle øyene må det inngås formelle leieavtaler med en avtalt leiekostnad, alternativt må Stavanger kommune bygge egne frostfrie garasjer", heiter det vidare.

Det blir også opplyst at Rogaland brann og redning IKS i løpet av dei neste to vekene skal testa alle vognene for å sjå om dei er i orden. Vidare vil vognene bli klargjort for vinter og nødvendige småreparasjonar vil bli gjort.

Rogaland brann og redning er også interessert i å overta vognene, noko kommunen også er postitiv til.

Bymiljø og utbygging har sett i gang eit arbeid med mål om snarast å få lagra vognene frost6fritt slik at dei alltid er klare til bruk, noko som også er eit klart krav frå Rogaland Brann og redning.

På Fogn står brannvogna inne frostfritt i Ryfylke tomatgartneri. Kommunen er i dialog med Arne Torgersen om å få i stand eit ordna leigeforhold.

På Ombo står vogna for tida utandørs hos Erlend Nes, og kommunen vil sjekka status på planane om å byggja ein garasje for vogna på Eidsund. Her har dessutan Henning Vestersjø sagt seg villig til å sjekka prisen på eit frostfritt stålskur som kan plasserast på garden hans. Også dette vil bli vurdert av kommunen.

Også på Sjernarøyane står vogna ute, og her vil kommunen sjå på mulighetene for å inngå ein ny avtale med Rødne om lagring. Kommunen vil i løpet av kort tid ta kontakt med Sjernarøy vekst med tanke på ei avklaring.

På Halsnøy er kommunen i kontakt med Kjetil Ørnes som er i ferd med å planleggja nybygg og er villig til å sjå på løysingar saman med kommunen.

Publisert: