Streng handheving av grense for naust

Politikarane i Finnøy står på tidlegare vedtak og seier nei til søknad om å få byggja eit større naust i naturreservatet i Lundarvåg på Kyrkjøy i Sjernarøyane. 

Frå Lundarvågen på Kyrkjøy.
Publisert: Publisert:
Denne artikkelen er over fire år gammel

Henning Stokke frå Tasta hadde søkt om å få byggja eit naust på 50 kvadratmeter, og grunngav det med behov for å driva ein del av garden han har kjøpt på Kyrkjøy.,

Finnøy-politikarane har tidlegare sagt ja til naust, men avgrensa til maks 30 kvadratmeter. Stokke anka og fylkesmannen bad kommunen sjå på saka på ny. Nå har politikarane vore på synfaring, og resultatet blei som før: Maks 30 kvadrat.

Rådmannen viser i si innstilling til at det berre er i særskildte tilfelle at det blir åpna for naust som er større enn retningslinene tilseier. I dette tilfellet var det søkt om å få oppføra eit naust på 50 kvadratmeter.

Sju røysta for å setja grensa ved 30, mens to røysta for forslaget frå Birger Hetland om å imøtekomma ynskjet frå søkjaren.

Publisert: