Har brukt sparepengane sine til å starta eige entreprenørfirma

Han har nærmast frå han var ein neve stor hatt som mål om å bli entreprenør, kjøpa sine eigne maskinar, og for deretter å kunne leva av det. No har draumen blitt ein realitet, og 22 år gamle Ola Flesjå har starta Flesjå Maskin.

  • Jon Asgaut Flesjå
Publisert: Publisert:
Denne artikkelen er over fire år gammel

Over 2 millionar kroner er investert i ulike reiskaper som traktorar, såmaskin, jordfres, slåmaskin og no sist også slangespreiarutstyr til ei miljøvennleg og nærmast luktfri spreiing av husdyrgjødsel. Slik miljø- og landbruksstyresmaktene no stimulerer til.Og mange bønder, både i Finnøy og Rennesøy har, heilt sidan Ola var 16 år gamal,hatt gleda av å ha den nevenyttige og flinke unge entreprenøren til å gjera gardsarbeidet for seg.,-Eg brukte alt det eg hadde av pengar etter konfirmasjonen og som avløysar, til å kjøpa meg min eigen traktor då eg var 15 år gamal. Og alt det første året fekk eg ulike småjobbar med jordfresaren til han onkel Jens (Børge), og gjennom såmaskinen som eg også hadde kjøpt. Og eg må nok innrømma at eg kanskje var litt for ung til å kjøra traktor den gong. Men med godt tilsyn av han far så skjedde det vel tilnærma på lovleg vis, flirer Ola.,

Sidan gjekk det slag i slag, og for nokre månader sidan starta like godt Ola opp sitt eige einmannsføretak, Flesjå Maskin.

  Ny traktor til vel 1 million

Ola huskar godt tilbake til dei første åra han dreiv på med leiekjøring , og særleg til 2017 som meir eller mindre regna bort, og fortvila bønder sleit både med å få slått graset og ikkje minst med å få avlingane i hus.- Både eg og kompisen min, Rasmus Tungland, var litt bevisste på at me ikkje skulle ha for stort og tungt utstyr når me skulle ut å pressa siloballar. Det fekk me veldig stor nytte av akkurat denne fryktelege regnsommaren. Fordi svært mange bønder då valgte oss til å utføra arbeidet for å unngå jordpakking og skader på markene sine. Så me må ha gjort mykje rett ,for etterpå, har det bokstaveleg talt berre balla på seg med masse oppdrag med pressing av siloballar og anna type gardsarbeid.

-Så du la inn ein god søknad til å få nye oppdrag seinare hjå bevisste bønder, som også naturlegvis stiller krav til at arbeidet skal utførast skikkeleg?

-Ja, noko rett må både eg og han Rasmus ha gjort, for det har blitt svært lange dagar og mykje onnearbeid i ettertid, slår Ola fast.

No har også Ola kome så langt at han nyleg kunne kjøpa seg ny traktor.Ein stor og flott Fent til litt over millionen er nemleg bestilt , og trillar snart inn i reidskapshuset på Ladstein som ham leiger for å husa den betydelege maskinparken han har bygd opp, trass i sin unge alder.

  Leiger seg ut haust og vinter

Sidan det meste av onnearbeidet på gardane skjer i vår- og sommarhalvåret, blir mykje av maskinparken lite brukt om hausten og vinteren. Men Ola har likevel ikkje tenkt å liggja på latsida av den grunn, trass i at det ofte meir eller mindre går døgnet rundt i samband med både våronna og slåttane.

-Akkurat no leiger eg meg ut til andre entreprenørar som LHV-tenester her på Finnøy, men eg har også vore både maskinførar og handmann hjå Bjørn Lindanger i Rennesøy, seier Ola. Han har fagbrev som motormekanikar.,Og er det noko 22-åringen både likar og kan, så er det å fiksa på motorar og maskinar. Men aller mest likar han å kjøra dei sjølv når arbeid skal utførast. Det har han gjort heilt sidan han var ung tenåring, og no har det altså blitt til einmannsføretaket, Flesjå Maskin.

Publisert: