Fleire feil og manglar ved Sjernarøy oppvekstsenter
Oppvekstsenteret må bli meir bevisste på helse -og trivseltiltak.
- Oddbjørg Måland
I ein rapport frå kommunen etter tilsyn som går på
Forskrift om miljørettet helsevern i skoler og barnehager
på Sjernarøy oppvekstsenter i oktober, vart det funne fire merknadar som må vurderast for utbetring, og to brot på føreskrifta som må utbetrast: Desse to er:
- Manglande plan for utbetring av fysiske tilhøve som sikrar at miljøet fremjar helse, trivsel, gode miljømessige tilhøve og førebyggjar sjukdom og skade i barnehagen.
- Manglande risikovurderingar for tilhøve som gjeld borna og som skal liggja til grunn for skulen sitt førebyggjande arbeid.
,Skulen er såleis ikkje godkjent etter
Forskrift om miljørettet helsevern i skoler og barnehager.
Frist for gjennomføring og tilbakemelding av vedtaket, er sett til 1. april neste år.
Merknadane skal fylgjast opp ved seinare tilsyn.
I sist tilsyn i 2015, blei det meldt tre avvik, som alle er retta opp i på ein tilfredsstillande måte.