skyting

Knallopning av skyttarlaget sitt nye anlegg

Rundt 80 skyttarer er denne veka med på Finnøystevnet.

Finnøy Skyttarlag Finnøystevnet over tre dagar. Tysdag skaut de fleste av skyttarlaget sine eigne og torsdag kom det deltakarar frå ei rekke skyttarlag rundt om i Rogaland, og så blir stevnet avslutta med ein runde på laurdag. Leiar i skyttarlaget, Kirsten Elin Bergsvik, var strålande nøgd med debuten for det nye anlegget på Kvameheia.

-Gjestane er begeistra og himlar litt med augo når det ser kva me har fått til, og så langt har sjølve arrangementet gått veldig bra. Me ser at anlegget fungerer, både teknisk og praktisk.

Elektronisk anvisning og klokka på kvar bane gjer at skyttarane til ei kvar tid veit korleis dei ligg an, dei lune båsane skjermar dei frå vêret og inne i skyttarhuset kan dei følgja med utviklinga på store skjermar som viser kvart einaste treff.

Folke Helle skaut tysdag 341 i klasse V-55 og ligg best an av dei lokale skyttarane, men den endelege resultatliste kjem ikkje før etter at alle har skutt på laurdag.