Vinnar Runar Toft i midten, Ruben Fjell t.v nummer to og Per Erik nummer tre.
Vinnar Runar Toft i midten, Ruben Fjell t.v nummer to og Per Erik nummer tre.

Tre nye verdsrekordar på Fogn palmesundag

I strålande solskin blei tidenes fyrste motbakkeløp arrangert på Fogn palmesundag

24 friskusar i tre ulike klassar stilla til start i Sæbøvåg. Samtlege kom i mål på Ørnakulå, den aller raskaste på 10 minutt og 16 sekund. Løypa er vel 2 kilometer og har rundt 160 meter stigning.

– Dette gjekk jo kjempebra, det var faktisk ikkje så hardt som frykta. Men eg er glad eg sprang opp løypa på førehand, seier dagens suverene vinnar og nybakt verdsrekordhaldar, Runar Toft frå Sirevåg. Beste fognbu blei Håvard Østhus som sprang inn til fjerde plass på tida 11.56 minutt.

– Korleis kan det ha seg at du spring motbakkeløp på Fogn?

– Det var eigentleg litt tilfeldig. Me er på hyttebesøk her, og då me fekk høyra om motbakkeløpet heiv me oss på, svogeren min, kona og eg, smiler Toft, som fortel at han driv med orienteringsløp på fritida.

Tora Sandanger sprang inn som nummer to i dameklassen på tida 15.47, medan Josef Bø vann juniorklassen og blei verdsmeister på tida 12.56, og slo storebror Jørgen som sprang på 2 minutt og 47 sekund.

Mange store og små turgåarar hadde teke turen til toppen for å heia deltakarane fram, og ikkje minst å få oppleva idrettshistorie på Ørnakulå.

I papiravisa på onsdag kan du lesa meir om motbakkeløpet og sjå oppdatert resultatliste.