Øyfast har fått ein prislapp. No trengst det meir entusiasme
Jon Olav Runestad (Arbeiderpartiet) etterlyser entusiasmen for Øyfast.
- Edd Meby
- Det er jo ikkje så mykje nytt i dette dokumentet, sa han då kommunestyret i Finnøy måndag hadde ein kort diskusjon om rapporten som Norconsult har lage på oppdrag frå Fellesnemda i Nye Stavanger.,
- Men eg saknar entusiasmen for prosjektet, også frå øyane. Me skal ikkje ta som sjølvsagt at båter og ferjer i framtida vil gå like ofte som i dag, eller at det vil bi lett å få gjennom Øyfast, sa han.
Henrik Halleland (KrF) peika på kor viktig det er at lokalpolitikarane i Finnøy i tida framover jobbar inn kot sine eigne parti, slik at Øyfast blir eit prosjekt alle vil prioritera.
Noko av det mest interessante med Øyfast-rapporten er prislappen. Konsulentselskapet bereknar at heile prosjektet vil kosta 3, 575 milliardar kroner.
Finnøy-Nord-Talgje: 815 millionar
Helgøy-Nord-hidle-Ombo: 1135 millionar
Sum Øyfast Nord: 1950 millionar
Finnøy-Fogn: 1025 millionar
Fogn-Halsnøy-Byre: 600 millionar
Sum Øyfast Sør: 1625 milionar
Norconsult skriv sjølv i rapporten at det er knytta stor usikkerheit til kostnadsberekninga, normalt +- 40 prosent, men i Øyfast ca 30 prosent. I prisane er det teke med anleggskostnadar, grunnerverv, og byggherrekostnadar som inkluderer prosjektering, byggeleing og administrasjon. Moms er ikkje med, då ein reknar med at dette vil bli refundert. Ei løysing med tunnel i staden for bru mellom Helgøy og Nord-Hidle vil gi ei innsparing på ca 80 millionar kroner.