Tips oss: | Send e-post

Nyheter

Publisert 23.11.2017

    Meir enn berre ein butikk

    Helsekost for sjela, sjukdomsførebygging, sosial møteplass, folkehelse og eldreomsorg er nokre av orda som blir brukt om butikken på Fogn. Takka vera glasstova på utsida kan butikken smykka seg med desse fine titlane.

    Tekst og foto: Oddbjørg M. Måland

     

    - Eigentleg burde dei tilsette gå med kvite frakkar. Det meinte avdøde Per Fuggeli då han for eit par år sidan uttala seg om viktig lokalbutikken er i små samfunn.

     

    Betyr mykje

    Då Joker Fogn igjenopna dørene sommaren 2015, var det mange som hadde store forventingar til den nye butikken. Etter ein periode utan butikk, var det sjølvsagt ekstra stas då nye eigarar opna butikken med brask og bram. Endåtil NRK- fjernsynet var til stades og overvar den høgtidsame opninga, og dåverande varaordførar Jon Olav Runestad klypte snora og sa nokre velvalde ord.

    I dag, to år seinare, er det fasinerande å sjå korleis butikken har utvikla seg til å bli så mykje meir enn berre å selja daglegvarer. Kva for rolle butikken har teke i det vesle lokalsamfunnet, og kor mykje den betyr for så mange.

    Og for nokon betyr butikken endå meir enn for andre.

     

    Faste tider

    Butikken har alltid vore ein sosial institusjon på øya, men det var spesielt etter at glasstova kom på plass, at dette blei veldig tydeleg. Glasstova er eit av mange namn på den innebygde delen av uteområdet der det står stolar og bord. Kvar dag møtes folk i glasstova til kaffi og drøs, og dei mest trufaste stikk gjerne innom to gonger til dagen. Ikkje sjeldan syt butikken for å setta fram noko å bita i til kaffien. Eller så er det faktisk slik at folk på øya er flinke å levera kaker som er igjen etter festlegheiter i helga. På dagtid er det fyrst og fremst pensjonistar som møtes. Fleire kjem til faste tider og har faste plassar. På ettermiddagstid er det større avvik, men dei fleste kjem likevel med ferja frå Judaberg klokka 1600, og køyrer innom for å ta med seg ting til middagen heim.

     

    Dobbelt skift

    - Hadde det ikkje vore for denne møteplassen, trur eg det ville blitt vanskeleg å bu her, seier Joar Hole, som er ein av dei mest trufaste i glasstova. Han kjem kvar dag klokka 0945, så sant han er heime. Ikkje sjeldan tek han ”ettermiddagsskiftet” også.

    - Kva snakkar du med dei same folka om kvar dag?

    - Det kan vera kva som helst. Ting som rører seg i samfunnet, store og små hendingar, politikk, gamledagar, ja, alt som opptek oss, fortel Hole.

    - Eg brukar å stikka innom glasstova når eg likevel skal på butikken. Det gir liksom ein liten ekstra dimensjon til handlinga. Før i tida trefte med sambygdingar på ferjene eller på kaia i samband med postutleveringa, men det er jo ikkje slik lenger, seier Bothild Vågane. Ho og mannen hadde såkalla brevhus i Eidsvåg heilt fram til ”Erfjord” slutta å gå i 1974. Kvar morgon og ettermiddag distribuerte dei posten til og frå Hovda og Eide.

    - Me kan ikkje ha det betre på Fogn, spesielt ikkje etter at me fekk glasstova. Heime kan ein fort kjenna på einsemda, difor er det kjekt å vita at det alltid er ein plass å treffa folk, fortel Bothild.

     

    Beste eldreomsorg

    - Kor viktig er glasstova i ein større samanheng?

     

    - Det er mange måtar å nærma seg dette på: Utviklingsteoretisk, psykologisk, kommunikasjonsteoretisk og sosialantropologisk. Men me skal bort frå fine namn og teoriar, og ned på jorda. Det går an å starta med dei grunnleggande behova som må stettast dersom me skal leva og trivast. Mat, drikke, søvn og varme tek me som sjølvsagt, men dei grunnleggande psykologiske behova tenker me mindre på. Dei er behova for å vera trygg, ha kontakt med andre, visa igjen, ha ei rolle, få til noko, læra noko. Og her kjem "flokken" til Per Fuggeli inn, så vel som møteplassen på Fogn. 

    Lettast å skjøna er kontaktbehovet som gir ei  god fellesskapskjensle for dei som møtes på butikken. Felleskapskjensla  blir halde oppe av uforpliktande prat, felles interesser, felles opplevingar frå fortida, felles syn på det som hender ( griseværet, politikarane, ferjetidene, dei lokale rykta). Det er tre faktorar som aukar denne fellesskapskjensla, og det er felles verdiar, felles "truslar"  eller utfordringar som ein ser rundt seg, at ein er skuffa, irritert eller sint på dei same tinga, og at møteplassen er trygg. Det er ingen der som stiller farlege krav til kvarandre, ein møter aldri det ukjente og farlege, alle veit på førehand at dei vil takla situasjonen. Gruppa tildeler kvarandre rollar, stadfester kvarandre, det skiftast på å ta ordet og å få syna kva dei står for. Dei er likemenn/kvinner og ingen kjenner seg som tapar i gruppa. Behovet for å læra noko nytt, forstå, få innsikt i, er og ein faktor. Fleire skjønar meir enn ein, og kan læra av kvarandre . 

    - Kan ein sjå dette i samanheng med helse og sjukdomsførebygging?

    - Alle desse tinga som eg nettopp nemnte er motiverande for å møtast på butikken, og  skaper trivsel og meinig. Innsikta vår på dette område er aukande. I dag veit me at positive opplevingar, latter, humør, meining, ting å sjå fram til, verkar på immunforsvaret  vårt; noko som i neste omgang kan vera ein faktor i motstandskrafta vår både for infeksjonssjukdommar og kreft. Og kanskje endå meir kan førebygga psykiske lidingar. Her har kommunen den billegaste av all eldreomsorg og burde støtta opp om den på minste førespurnad, avsluttar doktor Eivind Vestbø.

     

    Vinn-vinn situasjon

    Øyvind Sandanger er ein av fire eigarar i butikken.

    - Dette har utvikla seg akkurat slik me håpa på. At butikken har blitt ein slik populær og uformell møteplass, er me svært godt nøgd med. Det betyr mykje for oss som jobbar i butikken, for dei som brukar glasstova, ja, for heile øya. Her møtes unge og eldre på nøytral grunn til uformell drøs. Folk som gjerne ikkje omgås elles, treffes over ein kopp kaffi. Kvar og ein som brukar stova, bidreg positivt til det gode miljøet og gjer at me på sikt kanskje til og med kan utvida tilbodet, seier Sandanger.

     

    Helsekost for sjela

    Igjen siterer med Fugelli, han har gått langt i å karakterisera småkjøpmennene som sosialmedisinarar. Høyr berre:

    ” Dersom et menneske skal ha en god helse, er det ikke nok å stelle godt med kroppen sin. Du må også stelle godt med sjela og med deg selv som sosial skapning. I dag har vi lett for å bli veldig opptatt av Omega 3 og antioksidanter. Jeg mener at vi må bli mer opptatt av sjelens helse og den sosiale helsa. I det perspektivet mener jeg at kjøpmennene i de små butikkene må karakteriseres som helsearbeidere. De små butikkene er viktige for folkehelsa fordi dei leverer trygghet, nærhet og tilhøyrighet. Nærbutikken er som helsekost for sjela.”

     

     

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 12.12.2017 - 23:04

    Hanasand ferjekai gjenoppstår

    Hanasand ferjekai,som heilt fram til opninga av Finnfast i oktober 2009,var endestasjon i ferjesambandet Fogn-Finnøy-Talgje-Hanasand,gjenoppstår no i ny drakt.I dag vart ferjene som går Mortavika-Arsvågen klarert for bruk og som reservekai i dette sambandet.Då som anløpskai i samband med stenging av kaien i Mortavika.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 12.12.2017 - 12:34
    IMG_0906 (004).jpg

    Fskeriminister Sandberg opna havbruksparken

    Det låg eit historisk sus over den vesle øya Talgje, lengst sør i Finnøy kommune, då sjølvaste fiskeriminister Per Sandberg stod for den offisielle opninga av havbruksparken. Ein havbrukspark som er bygd opp på den tidlegare ferjekaien lengst nord på øya. Både ordførar Christine Sagen Helgø i Stavanger, og kollega Henrik Halleland i Finnøy (bilete),var også med å kasta glans over opningsseansen i føremiddag.- 

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 05.12.2017 - 15:30

    19 vil ha jobb som rådmann i Finnøy

    I alt 19 personar har søkt på den utlyste rådmannstillinga i Finnøy. 13 menn og 6 kvinner. Fire av desse har trekt seg. Her er søkarlista. 

    » Les heile saka

    Nyheter

    Publisert 23.11.2017 - 12:09
    10 Butikken på Fogn.jpg

    Meir enn berre ein butikk

    Helsekost for sjela, sjukdomsførebygging, sosial møteplass, folkehelse og eldreomsorg er nokre av orda som blir brukt om butikken på Fogn. Takka vera glasstova på utsida kan butikken smykka seg med desse fine titlane.

    » Les heile saka

    Næring

    Publisert 23.11.2017 - 10:41
    DSC_02741.JPG

    Fiskeriministeren opnar Rogaland Havbrukspark

    No har Ryfylke Rensefisk flytta inn i flotte nye lokalar på Talgje, og i løpet av desember kjem sjølvaste fiskeriministeren for å offisielt opna lokalane. No satsar eigarane på at ennå fleire bedrifter følg på etter kvart.

    » Les heile saka

    Nyheter

    Publisert 17.11.2017 - 14:17
    Fiber Fogn.JPG

    Endeleg fiber i heile Finnøy

    I løpet av november skal, ifylgje rådmannen, kommunen signera avtalen med utbyggjarane. Det betyr at fiberen, for langt dei fleste i kommunen, er innan rekkevidde

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 20.11.2017 - 22:46

    Føler seg totalt oversett i fiberutbygginga

    -Eg lurer jo på om Fisterøyane framleis er ein del av Finnøy kommune,seier ei oppglødd byredame,Gunhild Flatebø,på ironisk vis.For medan det står å lesa i lokalavisa at heile kommunen no skal få tilgong til fiber for internettilkobling,har ikkje innbyggjarane på Bokn-Byre og Måløy høyrt eit einaste pip om at noko slikt var under planlegging elles rundt omkring på dei ikkje landfaste øyane i kommunen.

    » Les heile saka

    Nyheter

    Publisert 16.11.2017 - 18:42
    Jon Arne 11.jpg

    Pilt-Ola-prisen til Jon Arne Helgøy

    Hurtigbåtkaptein, bonde og fruktdyrkar Jon Arne Helgøy er tidenes første vinnar av Pilt-Ola-prisen.

    (Foto: Kristofer Ryde, Negative)

    » Les heile saka

    Nyheter

    Publisert 14.11.2017 - 12:55

    (Nesten) slutt på salt i Finnøy

    Ei rekke fylkesvegar med låg trafikk blir frå denne vinteren ikkje salta.

    » Les heile saka

    Nyheter

    Publisert 13.11.2017 - 14:29
    Bålkos.JPG

    Kan bli kåra til Norges finaste julatre

    Anna Mæland frå Finnøy til NM-finale i juletre.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 12.11.2017 - 17:18

    Stopp i flyktningmottaket

    Etter å ha busett over 50 flyktningar dei tre siste åra,vil det ikkje vera behov for at Finnøy skal ta imot nokon flyktningar i 2018.Det er IMDI som melder dette i eit brev som er sendt kommunen.Bakgrunnen er at det på nasjonalt plan er eit langt mindre behov for å busetja flyktningar i kommunane i dag,enn kva tilfellet har vore dei siste åra.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 10.11.2017 - 15:13
    SAM_24823.JPG

    Lokale bønder søkjer erstatning

    Den våte og uvanleg regnfulle sommaren har ført til store avlingstap hjå husdyrbøndene i Finnøy. Ein rask oversikt viser, at meir enn 20 husdyrbønder i kommunen har søkt styresmaktene om erstatning for avlingstap på grunn av uvanleg små avlingar med dårleg fôrkvalitet

    » Les heile saka

    Samferdsle

    Publisert 09.11.2017 - 10:43
    12 Ny båt Rødne 3D.jpg

    På matsafari i Ryfylke?

    L. Rødne & Sønner, Ryfylkekokken og Ryfylke Livsgnist går saman om eit samarbeid for å visa fram mat, kultur og natur i Ryfylke. – Utruleg spanande, seier Tor Øyvind Skeiseid i Ryfylke Livsgnist. Sjå videopresentasjon av den nye båten nederst i saka

    » Les heile saka

    Nyheter

    Publisert 09.11.2017 - 11:12

    Brann i Rygerdoktoren

    Sør-Vest politidistrikt melder på Twitter at det har oppstått brann i ambulansebåten Rygerdoktoren. 

    » Les heile saka

    Nyheter

    Publisert 09.11.2017 - 10:33

    Gir 2,5 millionar til nytt kyrkjeleg fellesråd

    Nye Stavanger kommune har motteke søknad om omstillingsmidlar til samanslåing av dei kyrkjelege fellesråd i dei tre kommunane Finnøy, Rennesøy og Stavanger. Den ynskjer dei å delvis løyva.

    » Les heile saka

    Nyheter

    Publisert 08.11.2017 - 20:20

    Teken for cannabis

    Ein person i midten av tjueåra er mellom 8. september og dags dato teken av politiet for innehav eller oppbevaring av cannabis.

    » Les heile saka

    Næring

    Publisert 06.11.2017 - 13:49
    4 Oppdrett1.JPG

    Fryktar at oppdrettsavgifta kan ryka

    Kystkommunane fryktar at dei kan tapa mange millionar dersom KrF og Venstre ikkje pressar regjeringa til å gjennomføra Stortinget sitt vedtak om ei eksportavgift på oppdrettslaks. Dei meiner KrFs Steinar Reiten sit med nøkkelen.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 03.11.2017 - 10:23
    SAM_2455.JPG

    Stor etterspurnad etter brukte elbilar

    Den nye bomringen rundt Oslo og innføringa av rushtidsavgift, har ført til ein heilt ekstrordinær stor etterspurnad etter brukte elbilar. Dei har som kjent fritak for ei slik rushtidsavgift. Det er NRK P1 som melde dette i dag

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 03.11.2017 - 10:05
    DSC_0158 (1)2.JPG

    Kr.F vil gi mjølkebønder 450 millionar til omstilling

    I samband med den førsetåande behandlinga av statsbudsjettet, så vil Kr.F føreslå å oppretta eit statleg omstillingsfond på 450 millionar kroner. Midlane skal primært gå til mjølkeprodusentar med budskapar frå 15-30 kyr som vil leggja om til produksjon av storfêkjøt. I Finnøy er storparten av mjølkebruka innanfor denne storleiken.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 02.11.2017 - 17:17

    Løyver pengar til nytt klubbhus på Leikvoll

    Rådmann,Helene M.Ohm, har teke dei politiske signala,og er i samband med budsjettet raus med løyvingane til investeringane i kultur og idrett.

    » Les heile saka

    Nyheter

    Publisert 02.11.2017 - 08:54
    sam_245234.jpg

    Rådmannen sit på 26 millionar i «skjulte reserver»

    Rådmannen har klart å spara opp heile 26 millionar på dei sju åra ho har vore rådmann i Finnøy. Likevel innrømmer ho at det ville ha vore vanskeleg å fortsett som eigen kommune. Les om budsjettframlegginga onsdag, her.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 30.10.2017 - 15:33
    Hurtigbåt (5).JPG

    Føreslår dyrare hurtigbåtar

    I fylkesrådmannen sitt forslag til budsjett for 2018 til 2021 blir båtrutene beskrevne som ikkje bærekraftige. Han føreslår samstundes å auka billettprisen med tre prosent i 2018.

    » Les heile saka

    DETTE ER ROTMAPPEN FOR MODULEN NYHETER FOR KUNDE ØYPOSTEN

    Publisert 27.10.2017 - 12:25

    Ombobu på inntektstoppen i Finnøy

    Det er advokat og bonde, ombobuen Erling Ueland, som tronar øverst på både inntekst- og formuetoppen i Finnøy, med ei inntekt på 19, 6 millionar og 56,8 millionar kroner i formue for inntekstsåret 2016. 

    » Les heile saka